Zgjidhet misteri, gjendet alpinisti i zhdukur para 37 vjetësh

Ishte zhdukur para 37 vjetësh, zgjidhet misteri mbi alpinistin gjerman. Alpinisti, në atë kohë 38 vjeç, u zhduk teksa ishte pjesë e një ekspedite pranë Matterhornit në Zvicër.

Ajo çka kishte mbetur nga alpinisti dhe sende të tij u zbulua në fillim të këtij muaji nga një grup alpinistësh që po kalonin tek akullnaja Theodul.

Ata vunë re një çizme dhe sende të tjera brenda akullit.

Pas analizave të ADN-së, u konstatua se mbetjet i përkisnin një alpinisti gjerman, i cili rezulton i zhdukur prej 37 vitesh.