Në kopertinat e tyre, mediat serbe kanë publikuar sot “ultimatumet” e Perëndimit se marrëveshja mes Kosovës dhe Serbisë duhet të arrihet deri më 24 shkurt.
“Zgjidheni Kosovën deri më 24 shkurt, ose pason një shkop i fortë” shkruan e përditshmja Blic në tekstin kryesor të saj të ilustruar me fotografi të emisarëve Miroslav dhe Gabriel Escobar.
Po ashtu edhe tabloidi Kurir i afërt me Vuçiç i ka bërë jehonë ultimatumit të Perëndimit duke e përmendur 24 shkurtin si afat deri kur duhet të arrihet marrëveshja. Nëse nuk ndodhë kjo, sipas Kurir, Kosova dhe Serbia do të ndëshkohen.
Ky medium kishte publikuar edhe përmbajtjen e planit franko-gjerman gjatë shtatorit sipas të cilit Kosovës dhe Serbisë i është ofruar që të zgjidhin kontestin mes tyre me një marrëveshje pa njohje dhe me të cilën Kosova do të fintonte njohje nga shtetet jonjohëse të BE’së ndërsa çështjen e njohjes reciproke do të trajtohej diku pas 10 vjetësh.
Duke i komentuar këto shkrime në një intervistë për TV Prva, një televizion tjetër miqësor ndaj tij, mbrëmë Vuçiç tha se afatin që zgjidhja të gjendet brenda javësh e ka dëgjuar edhe nga Sekretari Blinken.
Discussion about this post