Antonio Conte ka marrë drejtimin e skuadrës së Tottenham, pas një pushimi që nga momenti që u largua nga drejtimi i skuadrës së Interit.
Në një intervistë të dhënë së fundmi tekniku italian ka zbuluar se pse zgjodhi të marrë drejtimin e ‘Spurs’, ndërsa nuk ka harruar të theksojë arsyet që çuan në largimin prej Interit pikërisht pasi i ndihmoi ‘Zikaltërit’ të fitonin Serinë A pas 11 vitesh.
Ai theksoi se ishte ndryshimi i programit dhe perspektivave nga ana e drejtuesve të Inter që e detyruan atë që të largohej.
“2 vitet e mija te Interi u shpërblyen me fitimin e titullit kampion dhe vetëm me kohën do të kuptohet puna e jashtëzakonshme që është bërë gjatë kësaj periudhe. Sepse për të fituar duhet të thyenim hegjemoninë e Juventusit, diçka jo e lehtë për t’u realizuar. Një punë e madhe gjithëpërfshirëse që kulmoi me gëzimin e fitimit të Serie A. Megjithatë në fund një zhgënjim i madh për ndryshimin e programit dhe prespektivave nga ana e klubit që sollën edhe ndarjen tonë”-tha Antonio Conte.
Më tej ai shpjegoi edhe arsyen pse zgjodhi të drejtonte Tottenham disa muaj pasi la Interin, ndërsa kishte pasur oferta edhe nga klube të tjera të mëdha.
“Kam marrë gjithmonë në drejtim skuadra që vinin nga momente të vështira në të cilat më është dashur të ndërtoj. Juventusi ishte jashtë kompeticioneve europiane, kombëtarja italiane vinte pas eliminimit në grupe në Botërorin Brazil 2014, Chelsea vinte nga një vend i 10-të në Premier League ndërsa Interi nuk fitonte që nga 2010-ta. Asnjëherë nuk kam bërë zgjedhje komode, por kjo e Tottenham është sigurisht më e vështira dhe për këtë arsye edhe më stimuluesja”,- u shpreh ndër të tjera Antonio Conte./K.T/Gijotina.com
Discussion about this post