E nesërmja është një ditë e madhe për sportëdashësit, veçanërisht në Angli, Itali si dhe në Turqi. Nesër, në Stamboll do të zhvillohet finalja e Champions League mes Manchester City-t dhe Inter.
Së fundmi, presidenti i zikaltërve, Steven Zhang ka dhënë një intervistë për “La Gazzetta dello Sport”, ku është shprehur se Interi i tij i ka cilësitë për të mposhtur Manchester City-n.
“ Nuk duhet patur frikë nga Manchester City, i kemi cilësitë për t’i mposhtur ata. Champions League nuk është një ëndërr e pamundur. Unë e respektoj shumë kundërshtarin pasi janë një skuadër madhështore. Kam menduar shumë herë në kokën time se si do të ishte të fitoja Champions-in. Por edhe të ëndërroja për ta fituar më dukej e pamundur, tani jemi në finale. Të gjithë në klub kemi një dëshirë për ta provuar.”
Asnjë fjalim motivues? “ Nuk ka nevojë. Rezultatet e muajit të kaluar kanë ndihmuar për të rritur bindjen dhe energjinë. Të gjithë te Inter janë të fokusuar tek kjo ngjarje dhe ne duam ta shijojmë këtë finale në maksimum”, u shpreh Zhang.
Discussion about this post