Një 27-vjeçar nga Tirana është zhdukur pa gjurmë dhe prej dy ditësh nuk ka pasur kontakt me familjen e tij. Sipas burimeve ka qenë nëna e tij ajo e cila është paraqitur në komisariat dhe ka bërë denoncimin për zhdukjen e të birit. 57-vjeçarja ka rrëfyer para bluve se i biri nuk shkon prej dy ditësh në shtëpi dhe se nuk e ka aspak idenë se çfarë mund t’i ketë ndodhur.
Ajo ka treguar se me datë dhjetor pasdite , i biri është larguar nga banesa dhe nuk është kthyer. Sipas saj, i biri u tha se do të dilte të pinte kafen e pasdites me shokët ashtu sikur bënte çdo ditë, po këtë herë iku për të mos u kthyer pa lënë asnjë gjurmë. Policia bën me dije materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale, ndërsa po bëhen kërkime intensive për gjetjen e tij.
Discussion about this post