Një 46-vjeçar shqiptar i cili jeton në Rodos të Greqisë prej disa ditësh rezulton i zhdukur. Mediat greke bëjnë me dije se shqiptari është parë për herë të fundit të dielën me 28 gusht dhe se policia ka nisur kontrollet në të gjithë vendin për të bërë të mundur gjetjen e tij. Zhdukja e 46-vjeçarit ka shkaktuar shqetësim të madh te bashkëshortja dhe vëllai i tij, të cilët e kërkojnë në vendet ku ai frekuentonte.
Celulari i tij mbetet i fikur, ndërsa friksa se mund t’i ketë ndodhur diçka e keqe vjen pasi makina e tij u gjet e braktisur afërsisht dy kilometra larg shtëpisë. Informacionet thonë se 46-vjeçari ka qenë me miqtë e tij pasditen e së dielës, ndërsa në mbrëmjen e së njëjtës ditë ka pasur një takim të planifikuar me një klient, në një njësi hoteliere në Rodos. Nga kontrolli i bërë në kamera, u konstatua se 46-vjeçari është drejtuar drejt kësaj zone.
Policia ka kontrolluar të gjitha portat e daljes nga ishulli, por pa rezultat. Njëkohësisht po merren në pyetje edhe personat me të cilët 46-vjeçari ka pasur transaksione financiare dhe profesionale. Shqiptari kontraktor është babai i 3 fëmijëve.
Discussion about this post