Zhduket në rrethana misterioze i riu në Kamzë, i ati kërkon ndihmën e policisë

Një 30-vjeçar, banues në Bathore është shpallur i zhdukur nga policia. Sipas “bluve”, ka qenë i ati i të riut ai që ka denoncuar fillimisht zhdukjen e tij. Ndërkaq po punohet për gjetjen e tij.
Mësohet se 30-vjeçari është larguar nga banesa që prej ditës së djeshme. “Më datë 21.05.2022, shtetasi H. S., 59 vjeç, banues në Bathore, ka kallëzuar se është larguar nga banesa dhe nuk është kthyer, djali i tij, shtetasi U. S., 30 vjeç. Punohet për gjetjen e tij.”- sqaron policia.