Një shqiptare dhe djali i saj 3-vjeçar janë zhdukur në Gjermani që nga e enjtja paradite. Sipas mediave gjermane, policia dyshon se ato janë marrë peng dhe janë kthyer drejt Shqipërisë.
Nasibe K. 34-vjeçare dhe Beni, i biri i saj, dyshohet se u rrëmbyen nga persona qe leviznin me një makinë tip “Audi”. Siç raporton “Bild”, dyshimet e hetuesve lidhen me ish-bashkëshortin e Nasibes, Blerimin.
Policia thotë se rrëmbimi mund të jetë plan i tij, dhe të enjten në mbrëmje ai u arrestua në Ratingen.
Gruaja dhe djali i saj u zhduken teksa ishin duke pritur autobusin, kur një Audi u ndal para tyre, dhe persona ende te paidentifikuar kanë rrëmbyer gruan dhe djalin 3-vjeçar, raporton albinfo.ch.
Duke mos vertetuar dot lidhjen e tij me ngjarjen, burri i te zhdukures dhe babai i djalit u lirua të premten nga Policia.
Pavarësisht se po vijojnë kërkimet për gjetjen e tyre, ende nuk ka asnjë gjurmë./Panorama.al
