Zhduket pa gjurmë në Greqi 29-vjeçari shqiptar. Detajet

Një 29-vjeçar shqiptar prej mëngjesit të së shtunës është zhdukur pa gjurmë në zonën ku jetonte në Agios Kostandinos Fthiotidas.

Bëhet fjalë për Angelo Avdiun, baba i një fëmije 9 vjeç, ndërsa alarmi për zhdukjen e të riut është dhënë nga vëllai i tij.

Ky i fundit ka zbuluar se 29-vjeçari ka ardhur në fshat për të biseduar me ish-bashkëshorten dhe nënën e fëmijës së tij në përpjekje për të rregulluar marrëdhëniet mes tyre.

“Erdhëm të bisedonim me ish-bashkëshorten e tij që ishte divorcuar. Të dielën në mëngjes ishim duke pirë kafe dhe befas ai u largua pa i thënë asgjë askujt. Të gjitha gjërat i la në shtëpi dhe celularin. Bëjmë apel që të gjendet vëllai im sepse nuk ka qenë shumë mirë së fundmi. Ai ka edhe një djalë të vogël, 9 vjeç”, tha ai.