Në Lezhë kanë nisur kërkimet për zhdukjen e papritur të sekretares së Gjykatës Lezhë. Sipas burimeve zyrtare, dje rreth orës 23:00, bashkëshorti me inicialet O.M ka njoftuar sallën operative të Drejtorisë Vendore të Policisë Lezhë dhe më pas ka bërë kallëzim në Komisariatin e Policisë Lezhë për largimin nga banesa, të bashkëshortes së tij, shtetases Klaudia Marku, 34 vjeçe. Menjëherë, pas administrimit të kallëzimit, është bërë shpallja e kërkimit policor të kësaj shtetaseje dhe vijon puna për gjetjen e saj.
Gjithashtu, nga ana e Prokurorisë së Rrethit Gjyqësor Lezhë është regjistruar procedimi penal për këtë rast dhe nën drejtimin e Prokurorisë po kryhen veprime hetimore intensive, për sqarimin e rrethanave dhe motiveve të largimit nga banesa.
Discussion about this post