Gazetari investigativ, Artan Hoxha ka dhënë detaje mjaft interesante në lidhje me zhdukjen e Martinajt ndërsa ka folur në studion e lajmeve në Abc. Hoxha tha se Martinaj është tradhtuar dhe është dorëzuar tek persona që kanë qenë të veshur me uniforma policie. Ai tha se grupet rivale kanë ngritur një njësit special për rrëmbimin e kundërshtarit të tyre.
Ai gjithashtu tha se nga një video e bërë nga vetë personat që kanë qenë në momentin kur Martinaj është dorëzuar tek kjo “njësi speciale”, ai ju ka ofruar 50 milionë euro për ta lënë të lirë. Ndërkohë gazetari Hoxha ka zbuluar se Martinaj mund të jetë marrë peng nga grupet rivale të cilat pak kohë më parë i kishte ortakë në biznese.
Ai paralajmëroi gjithashtu se pas zhdukjes së Martinajt një tjetër organizatë kriminale po ngrihet fuqishëm dhe që do të jetë shumë e rrezikshme për 10 vitet e ardhshme.
Discussion about this post