Gazetarja Klodiana Lala ka bërë një deklaratë të fortë këtë mbrëmje lidhur me dosjen e të shumëkërkuarit Ervis Martinaj. Ajo tregoi se Prokuroria posedon një dëshmi të Nuredin Dumanit ku është bazuar dhe prokuroria për zhdukjen e Martinajt. Sipas Lales atë e kishte kontaktuar një oficer i lartë i Policisë dhe i kishte thënë se Faik Martinaj kishte denoicuar zhdukjen e nipit të tij, Ervis Martinaj.
“Burimi policor më mori në Signal, më kërkoi takim me urgjencë. I kërkova 2 orë kohë dhe shkova në Fushë Kuqe. Më konfirmuan se Faik Martinaj kishte denoncuar zhdukjen e nipit. Ai pretendonte se personi me origjinë nga Puka në banim në Dubai kishte ditë që nuk e informonte. Kuptova që kishte tension në Fushë Kuqe. Burimi më solli këtë material. Mbi bazën e këtij materiali është bërë edhe lajmi i parë. Prokuroria pati debat me Policinë sepse nuk dinin si ta regjistronin. Paska një dëshmi sekrete të Nuredin Dumanit ku është bazuar prokuroria për zhdukje të personit. është material i klasifikuar. Më pas janë përgjuar 110 persona, përfshirë edhe një vajzë”, tha ajo. Ndërsa u shpreh se detajet e marra nga Dumani, mund ta kishin zbuluar prej kohësh vendndodhjen e Martinajt.
Discussion about this post