Policia e Qipros po e trajton si të dyshimtë zhdukjen e dy grave ruse, 33 dhe 43 vjeçe, të cilat janë shpallur të zhdukura që prej 17 nëntorit. Policia po heton mundësinë që dy gratë ruse të jenë rrëmbyer dhe ndoshta vrarë. Mësohet se një i dyshuar është arrestuar pas hetimeve të kryera në shtëpinë e tij.
Hetimet në shtëpinë e pushimit të të dyshuarit zbuluan njolla gjaku, ndërsa më vonë u vërtetua se ishin nga një prej grave të zhdukura. Dyshimet u shtuan pasi njolla gjaku u gjetën edhe në një mjet gërmimi në lokal. Ndërkohë, policia po kreh zonën përreth shtëpisë, pasi janë në kërkim të trupave të dy grave të humbura. Policia kishte vepruar në fshehtësi, duke e arrestuar burrin në fillim të javës së kaluar dhe duke e paraqitur para një gjyqtari të shtunën, pa njoftuar arrestimin. Policia e arrestoi burrin pas një informate anonime të dhënë nga një shtetas i shqetësuar, i cili raportohet se ka parë dy gratë në shtëpinë e pushimit të të dyshuarit në Moniatis.
I dyshuari thuhet se ka pranuar se i ka çuar dy gratë në shtëpi pushimi me vullnetin e tyre të lirë dhe i ka kthyer në banesën e tyre në të njëjtën ditë, një pretendim që po hetohet.
Hetimet kanë vijuar edhe ditën e shtunë, ku specialistët kanë lokalizuar gjurmë gjaku në pjesë të ndryshme të lokalit. Janë marrë mostra dhe rezultatet konfirmuan frikën e oficerëve, pasi gjaku përputhet e materialin gjenetik të një prej grave të zhdukura.
Alraeesi Khaiat, 43 vjeç dhe Mariia Gazibagandova, 33 vjeç, u raportuan të zhdukura në polici më 17 nëntor, ndërsa hetimet për gjetjen e tyre janë duke vazhduar me një numër personash të lidhur me të dyshuarin.
Discussion about this post