Pas zhdukjes misterioze të 22-vjeçares amerikane, tashmë ka humbur dhe i fejuari saj 23-vjeçar Brian. Gabriela Petito, 22 vjeç, u largua nga Nju Jorku në korrik me partnerin e saj Brian Londry, 23 vjeç për një udhëtim katër-mujor me furgon.
Sipas mediave të huaja 22-vjeçarja nuk ka folur më me familjen, që nga fundi i gushtit, kur po udhëtonte me të fejuarin e saj, Brian. Më 11 shtator, familja e Gabriela Petito informoi autoritetet për zhdukjen e saj, duke thënë se ata nuk kishin dëgjuar prej saj që nga fundi i gushtit. Duke ndjekur çiftin në mediat sociale për javë të tëra, në peizazhet magjepsëse të perëndimit Amerikan, përdoruesit e internetit u mobilizuan duke dashur të ofrojnë ndihmë në gjetjen e vajzës së re dhe media po regjistron vazhdimisht ecurinë e çështjes.
Policia thotë se aktualisht po e trajton zhdukjen e Brian, pas asaj të Gabriel, si një “rast zhdukjeje të shumëfishtë”.
Gjatë udhëtimit të tyre, ne shohim çiftin, në postimet e tyre në mediat sociale, duke buzëqeshur, përqafuar dhe duke ecur dorë për dore në plazh.
Sidoqoftë, në një video të publikuar nga policia e Moabit, një qytet i vogël në Juta, ngriti shqetësimet për rolin e partnerit të 22-vjeçares amerikane. FBI ka hapur një linjë telefonike të dedikuar për këdo që ka informacion në lidhje me rastin, dhe një llogari GoFundMe është krijuar për të “mbledhur para për të ndihmuar në kërkimin e Gabi Petito”.
