Dy gola të Edon Zhegrovës ishin të pamjaftueshëm për Lille që të marrë një fitore sot. Skuadra ku luan ylli kosovar barazoi 3-3 në shtëpi ndaj Strasbourgut në Ligue 1.
Zhegrova kaloi vendasit në epërsi në minutën e 15-të me një gol të bukur pas asistit nga Gomes. 12 minuta më pas, Zhegrova shënoi sërish, kësaj radhe me kokë për 2-0.
Miqtë u kundërpërgjigjën me dy gola po ashtu në pjesën e parë me Santos dhe Emegha. Madje, Strasbourg arriti edhe të kalonte në epërsi në minutën e 66-të nëpërmjet Nanasi.
Por, Jonathan David me një gol nga penalltia bëri që ndeshja të mbyllej pa fitues.Kësisoj, Lille tani ka shtatë pikë pas pesë ndeshjeve në vendin e shtatë, teksa Strasbourg me një pikë më pak gjendet në vendin e 10-të.
Discussion about this post