Analisti Artur Zheji, i ftuar në “News 24”, ka analizuar deklaratën e kryeministrit Rama mëngjesin e sotëm kur tha se “duhet të votojmë të gjithë në bllok për të shkarkuar Ilir Metën”.
Sipas Zhejit, me këtë deklaratë, Rama ka bërë thirrje për luftë sërish, duke çuar lart emocionet dhe zbritur arsyen.
“Ka bërë thirrje për luftë, ndaj i them ndonjëherë marshall. Ai nxit establishmentin e vet në luftë të re. Kjo sepse duke e mbajtur të karikuar elektoratin, Rama mban në “jetë” propagandën. Ai është edhe kontravers. Rama po godet vetëm Metën, sepse e di se PD pa një forcë që vjen nga e majta e ka të vështirë të vijë në pushtet. Mendoj se kjo është thirrje për luftë. Rama çon lart emocionet dhe zbret arsyen. Prsh në Komisionin Hetimor është Murrizi, që nuk ka fituar vota në zgjedhje, githashtu është edhe Baba Taku, që dikur ka qenë me LSI”, tha Zheji.
