Belgjika mundet nga Egjipti në miqësore me shifrat 2-1 vetëm disa ditë nga ndeshja e parë që do e luajë në Kupën e Botës. Ndeshja u luajt në stadiumin Jaber Al-Ahmad në Kuvajt.
Paraqitje zhgënjyese për Belgjikën, e cila u gjend në disavantazh në minutën e 33-të me Mostafa Mohamed që ia doli të shënojë.
Në fillim të pjesës së dytë, në minutën e 46-të, Trezeguet, një nga më të mirët në fushë shënoi golin e dytë për Egjiptin.
Në minutën e 76-të, një gol i Openda-s rihapi një farë shprese për Belgjikën, por vetëm kaq.
Jo një paraqitje pozitive e Belgjikës, pesë ditë pas debutimin në Kupën e Botës kundër Kanadasë.
Në fakt, Belgjika u duk mjaft e ngadaltë në fazën e sulmit dhe mbi të gjitha tregoi limite të ndryshme në fazën mbrojtëse.
Romelu Lukaku nuk luajti në këtë ndeshje, ndërsa De Ketelaere qëndroi në stol për plot 90 minuta.
Discussion about this post