Qitësja shqiptare, Manuela Delilaj ka dalë e parafundit në konkurimin e saj në Lojërat Olimpike ‘Tokio 2020’.
Ajo zhvilloi pjesën e parë të garës 25 metra pistoletë preçizion ne qitje sportive ditën e sotme. Shqiptarja është renditur e 43-ta me 280 pikë, ose e parafundit në klasifikimin provizor, rezultat ky zhgënjyes.
Ditën e sotme u zhvilluan tre seri dhe në to Delilaj mundi të marrë 92 pikë, 95 pikë dhe 93 pikë. Ndërsa nesër ajo do të vijojë me garën rapod, ku do tentojë të përmirësojë renditjen e arritur deri më tani.
Pas performancës së shqiptares KOKSH ka raportuar se ajo ka pësuar një lëndim në parakrahun e djathtë, gjë e cila e ka penguar në garim./Gijotina.com
