Që pas vendimit të gjyqtarit të Agron Zhukrit në 25 mars ku njohu statutin e Kuvendit të 11 Dhjetorit, Komisioni i Rithemelimit sillet si drejtues i PD dhe e ka marrë të mirëqenë faktin se është një organ legjitim dhe vendimet e tij janë të detyrueshme për zbatim. Por në Gjykatën e Tiranës rezulton ende Lulzim Basha si kryetar i Partisë Demokratike. Komisioni i Rithemelimit prej datës 25 marsit ka marrë kontrollin e selisë së PD-së, por gjykata nuk e njeh atë ligjërisht. Në një vërtetim i cili mban datën e sotme dhe Gjykata e Tiranës sqaron se partia drejtohet nga Basha.
Për shkak se vendimi i Zhukrit është apeluar nga PD dhe ende nuk është dhënë një vendim i formës së prerë, Gjykata e Tiranës ende nuk ka regjistruar vendimin e 25 Marsit i cili njohu ndryshimet statutore të Sali Berishës. Pritet që Gjykata e Tiranës të japë një vendim nëse do të pranohet apo jo ankimi i Enkelejd Alibeaj. Kjo mund të jetë edhe arsyeja sepse diplomatja amerikane Yuri Kim e njohu publikisht Enkelejd Alibeajn si kryetar në detyrë i Partisë Demokratike.
Komisioni i Rithemelimit thotë se ky ankimin është i pavlefshëm, pasi nënkryetarët dhe kryetari i PD-së janë shkarkuar nga Kuvendi i 11 dhjetorit. Madje, Sali Berisha ditën e sotme sulmoi ambasadoren amerikane Yuri Kim hapur për faktin se ajo e quajti një ditë më parë Enkelejd Alibeajn kryetarin në detyrë të PD-së. Berisha deklaroi se Kim po shkel Konventën e Vjenës si edhe Kushtetutën e Shqipërisë. Duke e quajtur Kim guvernatore dhe jo ambasadore, Berisha tha se nuk e përcakton ajo kryetarin e partisë.
Kujtojmë që Gjykata e Tiranës më 25 mars regjistroi ndryshimet e Berishës në Statutin e Partisë Demokratike, të bëra në Kuvendin e 11 dhjetorit 2021.
Discussion about this post