Deputetja demokrate Ina Zhupa ka reaguar ndaj platformës së re “Pasqyrë Albania”, të prezantuar nga kryeministri Edi Rama, duke e krahasuar atë me nismat e mëparshme të qeverisë.
Kryetarja e Komisionit për Kulturën, Turizmin dhe Diasporën e cilëson platformën një përpjekje të Ramës për të paraqitur me një emër të ri një mekanizëm që, sipas saj, nuk ndryshon mënyrën e qeverisjes.
Zhupa sjell në vëmendje edhe platformën e Bashkëqeverisjes, duke argumentuar se ndryshimi i emrit nuk ndryshon problemet që ajo i atribuon qeverisë.
Sipas deputetes demokrate, Rama ka arritur në një pikë ku nuk mund të “riciklojë” më qeverisjen përmes platformave të reja.
“Edi Rama është bërë i pariciklueshëm”, shprehet Zhupa, ndërsa e përshkruan “Pasqyrë Albania” si një “paketim të vjetër me emër të ri”.
Deputetja e PD-së e lidh reagimin e saj edhe me kërkesën politike të opozitës për largimin e kryeministrit dhe krijimin e një qeverie tranzitore.
“Shqiptarët kërkojnë dorëheqjen e Edi Ramës dhe një qeveri tranzitore që garanton zgjedhje të lira. Dhe këtë nuk e ndryshon dot asnjë platformë e re, asnjë emër i ri dhe asnjë pasqyrë e sajuar për t’i ikur realitetit”, deklaron Zhupa.
Discussion about this post