Deputetja e Partisë Demokratike, Ina Zhupa, ka reaguar pas arrestimit të Lefter Kokës, Klodian Zotos dhe Stela Gugulljas lidhur me aferën e inceneratorëve. Ndërkohë që raportohet se është shpallur në kërkim edhe Klodian Mërtiri, Zhupa i ka drejtuar një thirrje Edi Ramës që të mos fshihet pas kokave të prera.
“Mirel Mertiri bëri gjithçka qe ti mbyllte gojën opozitës, duke na bërë padi civile e penale me të vetmin qëllim që ne të hiqnim dorë nga interesi publik. Mirel Mertiri mund të fshihet për pak, ashtu si Rama fshihet pas kokës së tij dhe bashkëpunëtorëve të tjerë në krim, por e kane të kotë” – shprehet Zhupa.
Ajo më tej thotë se Mërtiri mund të fshihet për pak ashtu si Rama që fshihet pas Kokës, pasi sipas saj, era e parave të qelbura që kanë lënë mbrapa, i ka tradhtuar dhe nuk ka shpëtim.
“Mirel Mërtiri mund të fshihet për pak, ashtu si Rama fshihet pas Kokës së tij dhe bashkëpunëtorëve të tjerë në krim, por e kanë të kotë! Era e parave të qelbura që kanë lënë mbrapa, i ka tradhëtuar dhe nuk kanë shpëtim!” – përfundon Ina Zhupa.
Discussion about this post