Deputetja demokrate, Ina zhupa i ka bërë thirrje Ministrisë së Arsimit, dhe drejtueses së saj, Ogerta Manastirliu, që të respektojnë marrëveshjen e nënshkruar mes këtij institucioni dhe sindikatës së mësuesve për shpërblimin vjetor të fundvitit.
Reagimi
Në prag të mbylljes së vitit Ministria e Arsimit ka detyrimin të jap shpërblim për rreth 30 mijë mësues në sistemin parauniversitar.
Kjo është një drejtë e fituar nga kontrata kolektive e punës e nënshkruar mes Ministrinë e Arsimit dhe Sportit dhe Sindikatës së mësuesve. Neni 10 i kontratës kolektive e cila është firmosur më 6 qershor 2023 me sindikatat e arsimit dhe Ministrinë e Arsimit, përcakton se punëdhënësi u njeh të drejtën e fituar për shpërblim vjetor të mësuesve në arsimin publik.
Mësues të keqpaguar, mësues të shpërfillur në të drejtat e tyre, janë nga arsyet themelore e dështimit të sistemit arsimor dhe rezultateve turpëruese në testin PISA.
Duhet reagim i shpejtë duke e çuar vëmendjen dhe paratë tek arsimi, jo për prokurime dhe zyrat e ministrisë por për mësuesit dhe nxënësit. Kontrata e moszbatuar duhet të çojë në padi për ministren e arsimit, Manastirliu.
Discussion about this post