Deputetja e Partisë Demokratike, Ina Zhupa deklaroi sot nga Parku Kombëtar i Butrintit se “pas fitores së 11 majit, Partia Demokratike garanton që do të marrë fund praktika e koncesioneve në trashëgiminë kulturore”.
Në një deklaratë për shtyp, Zhupa tha se “ndodhem në qytetin antik të Butrintit, një betejë disa vjeçare e Partisë Demokratike për të mbrojtur identitetin, historinë e shqiptarëve”.
“Nuk ka më asnjë privat që do të vër duart në identitetin dhe historinë e shqiptarëve. Ne do ta mbrojmë historinë dhe identitetin me çdo kusht. Ne do të bëjmë gjithçka, që Butrinti po dhe çdo sit tjetër i trashëgimisë kulturore, të zbatojë standardet më të larta të UNESCO-s dhe UNESCO të jetë guida dhe partneri jonë më i rëndësishëm”, tha Zhupa.
Deputetja Zhupa u shpreh se “të gjitha fondacionet, të gjitha organizatat të kenë mundësi të japin donacione, të monitorojnë paratë e tyre, por asnjëra, asnjëherë, nuk mund të shtijë në dorë pasurinë kombëtare të qytetarëve shqiptar”.
“Ne jemi krenar për historinë tonë, për identitetin tonë dhe do të bëjmë gjithçka që ta lartësojmë dhe ta mbrojmë atë. Ne jemi shqiptarë dhe Shqipëria është detyrimi që i kemi fëmijëve tanë për ta mbrojtur dhe për ta lartësuar”, tha Zhupa.
Discussion about this post