Ina Zhupa, deputete e PD-së, ka reaguar pasi GJKKO vendosi me kërkesë të SPAK sekuestrimin e inceneratorit të Tiranës, duke e konsideruar si një lajm të mirë.
Zhupa tha se në fakt në Tiranë nuk ka incenerator dhe SPAK ka sekuestruar letra dhe rrethon skenën e krimit sepse asnjë tullë nuk u vu për incenerator.
“Vite denoncime, nga Sharra, nga selia, nga Kuvendi, në gjykatë përballë Mirel Mërtirit dhe më në fund u morr një masë për inceneratorin fantazëm.
Peshqit e mëdhenj ende notojnë në paratë që i japin çdo ditë inceneratorit që nuk ekziston!
Asgjë nuk do bëhej pa vullnetin dhe firmën e Ramës dhe Veliajt”, shkruan Zhupa.
Discussion about this post