Grupi Parlamentar i Partisë Socialiste kërkon masë disiplinore për 3 deputetë të opozitës, të cilët me veprimet e tyre, sipas socialistëve, penguan zhvillimin e seancës plenare të së hënës.
Socialistët kërkojnë përjashtimin e deputetëve Flamur Noka, Bledjon Nallbati dhe Saimir Korreshi. Kërkesa e Grupit Parlamentar socialist pritet të shqyrtohet nga Sekretariati i Etikes të mërkurën në orën 13:00.
Deri më tani, Sekretariati i Etikës ka miratuar çdo kërkesë të socialistëve për përjashtimin e deputetëve të opozitës. Dënimi më i rëndë i dhënë nga Sekretariati i Etikës është ai ndaj deputetit Edi Paloka, i cili u përjashtua me 40 ditë nga punimet e Kuvendit.
Discussion about this post