Pas një seance maratonë ka përfunduara gjyqi ndaj bosëve të krimit të Messinës në Siçili. Plot 6 shekuj burg ka dhënë gjykata për 100 të pandehurit. Gjithçka nisi pas një aksioni të Policisë i koduar “Nebrodi” që më pas u shtri edhe më gjërë duke bërë të mundur identifikimin e anëtarëve të grupit dhe vënien e tyre para drejtësisë. Të arrestuarit akuzoheshin për një sërë vepra penale, që nga falsifikimi, droga, mashtrimi dhe përfshirja në organizata mafioze. Familjet mafioze Batanesi dhe Bontempo ishin ato që ishin në qendër të këtij gjykimi që zgjati plot 20 muaj. Hetimi disa mujor i Prokurorisë bëri të mundur dhe implikimin e zyrtarëve politik, të cilët bashkëpunonin me kriminelët.
Bandat kriminale përdornin dhunën dhe kërcënimin si dhe shantazhonin ata që nuk iu bindeshin. Hetimet e Prokurorisë dhe anti-mafias zbulohen dhe skemën që mafiozët përdornin për të qarkulluar paratë. Ata në fillim i dërguan paratë në vendet e BE-së e më pas i fusnin sërish në Itali duke bërë të mundur kështu humbjen e gjurmëve.
Dënimet më të rënda i janë dhënë Sebastiano Bontempo, i njohur si “U Biondinu”, i dënuar me 25 vjet e 7 muaj burg dhe Vincenzo Giordano Galatit, i njohur si “Lupine”, i dënuar me 21 vjet e 8 muaj. Ndërsa dënimin më të lartë e ka marrë Salvatore Aurelio Faranda, i cili u dënua me 30 vjet.
Discussion about this post