Xhentil Kupe një nga të arrestuarit si i përfshirë në skemën e mashtrimit e cila ka zhvatur miliona lekë, është pronari i një subjekti që merret me blerjen dhe shitjen e gurëve të çmuar, arit, metaleve të rralla dhe të gjitha llojet e mineraleve.
Në dosjen e prokurorisë, thuhet se në vitin 2010 ai ka qenë i arrestuar si i dyshuar për vjedhjes e Kishës së Shën Mërisë në Voskopojë, ku ishin vjedhur disa mbajtëse llampadarësh dhe një pjesë e ikonostatit.
Në datë 15 prill të këtij viti ai ka bërë një tërheqje parash në bankë të një shume prej 41 mijë eurosh. 10 ditë më vonë, me anë të një prokure, ka deklaruar si përfaqësues ligjor nigerianin e arrestuar bashkë me të nga policia në lidhje me skemën e mashtrimit, Emmanuel Emereibenu.
Dyshohet se në bashkëpunim me njëri tjetrin ata ndryshonin të dhënat kompjuterike në sisteme të ndryshme, si psh instagram, për krijimin e të dhënave të rreme për përfituar të ardhura.
ARRESTI ME BURG
Gjykata ka caktuar paraditen e se shtunes masat e arrestit me burg per te arrestuarit e operacionit “Phishing”.
Ne burg do te mbetet Donald Anu, 34 vjeç, alias Ugochukëu Emmanuel Emereibenu, nga Kameruni, por edhe me nënshtetësi nigeriane, i cili mësohet se është ‘truri’ i grupit të strukturuar.
Marie Goufan, 31 vjeçe, nga Kameruni, si dhe shqiptarët Fatbardh Danja, 40 vjeç dhe Xhentil Kupe, 54 vjeç, të tre banues në Tiranë.
