Qeveria ruse ka komentuar pas deklaratës së presidentit të zgjedhur të SHBA-së, Donald Trump – i cili ka shprehur dëshirën për të marrë kontrollin e Greolandës, një territor autonom danez, dhe për ta bërë Kanadanë shtetin e 51-të të SHBA-së.
“Ne jemi të interesuar të ruajmë një atmosferë paqeje dhe stabiliteti në rajonin e Arktikut dhe jemi të gatshëm të punojmë me të gjitha vendet në mbarë botën për ta arritur këtë”, tha sot zëdhënësi i Kremlinit, Dmitry Peskov.
“Si një fuqi e Arktikut, Moska po monitoron nga afër zhvillimin dramatik”, tha ai.
Por, ai e quajti mosmarrëveshjen diplomatike një çështje dypalëshe midis administratës së ardhshme të Trump dhe Kanadasë dhe Danimarkës.
“Evropa reagoi me shumë ndrojtje ndaj kësaj”, tha Peskov, edhe pse ka pasur dënime të ashpra nga disa liderë të BE ndaj deklaratave të Trump.
Peskov bëri një krahasim midis Greolandës, ku kryeministri Múte B Egede dhe qeveria e tij kanë punuar për disa kohë për të krijuar kornizën për pavarësinë e mundshme nga Danimarka dhe Ukrainën lindore.
Peskov pretendoi se njerëzit atje kanë mbrojtur shkëputjen nga Kievi.
Pas fillimit të pushtimit të gjithanshëm të Ukrainës, Moska mbajti referendume të rreme në katër rajonet pjesërisht të okupuara, Kherson, Donetsk, Luhansk dhe Zaporizhia.
Moska tha se njerëzit që jetojnë atje vendosën të bashkohen me Rusinë. Votimet, të cilat u zhvilluan nën mbikëqyrjen e forcave te armatosura, nuk njihen ndërkombëtarisht.
Discussion about this post