Tre ditë pas protestës së dhunshme të thirrur nga ish-kryeministri Sali Berisha, zyrtarët e Partisë Demokratike kanë blinduar sërish derën kryesore të selisë, këtë herë edhe nga jashtë.
Pasi përkrahësit e Berishës shkatërruan selinë duke hedhur gurë dhe mjete të forta drejt godinës, vetëm dje nisi riparimi i saj, ndërsa sot u morën masa të tjera.
Zhvillimet në selinë e PD nuk kanë të ndalur, ku një ditë pas mbledhjes së kryesisë është njoftuar mbledhja e Bashës me grupin parlamentar, ndërsa nesër pritet mbledhja e Këshillit Kombëtar.
Në mbledhjen e Kryesisë e cila zgjati deri në orën tre të mëngjesit, u vendos përjashtimi përfundimtar nga PD i sh-kryeministrit Berisha dhe 7 prej mbështetësve të tij.
Discussion about this post