Zhvillimet në veri të Kosovës, Albin Kurti pret në takim ambasadorët e QUINT-it

Përfaqësuesit e shteteve të Quintit janë duke zhvilluar një takim me kryeministrin e Kosovës, Albin Kurti.

Temë e diskutimit në këtë takim raportohet të jenë zhvillimet në veri të Kosovës.

Po ashtu në takim pritet të diskutohet mundësia për gjetjen e shpejt të një zgjidhjeje bazuar në kërkesat dhe këshillat e ambasadorëve të Shteteve të Bashkuara të Amerikës, Francës, Italisë, Gjermanisë dhe Britanisë së Madhe, shkruan EO.

Kreu i ekzekutivit, Kurti bashkë me ambasadorët e QUINT-it është takuar më 29 maj të këtij viti.

Takimi vjen pas tensioneve në veri, ku në 3 komunat aktualisht po protestohet kundër kryetarëve shqiptarë, të cilët i fituan zgjedhjet e jashtëzakonshme.

Në ato zona, përveç Policisë së Kosovës, po qëndrojnë edhe trupat e KFOR-it.

Protestuesit në disa raste kanë tentuar të përplasen me policët e Kosovës, por ata janë kontrolluar mirë nga njësia speciale atje.

Siç është tramsmetuar edhe në media, ka pasur sulme të shumta ndaj automjeteve të mediave, policisë dhe KFOR-it.

Në to janë vizatuar simbole fashiste, si dhe disave u janë shpuar edhe gomat.