Sekretari i Përgjithshëm i PD, Gazment Bardhi është deklaruar kundër propozimit të PS për komisione online në Parlament.
Bardhi paralajmëroi se do të mbledhë grupet parlamentare të opozitës për vendimin e fundit të Konferencës së Kryetarëve.
Ai thekson se nuk bëhet fjalë për bojkot nga opozita, por deputetët kanë pranuar sugjerimin për t’u vaksinuar.
“Në emër të të tre grupeve parlamentare të opozitës, dua të informoj opinionin publik për një vendim antikushtetues për ti mbyllur gojën opozitës. Mbledhjet e Komisiioneve janë shumë të rëndësishme se seancat parlamentare, në vende demokratike.
Vendimarrja për të mbledhur online komisionet, kërkon që qeveria të mos japë llogari për aktet korruptive që janë në Kuvend. Këshilli i Ministrave është mbledhur fizikisht, pse duhet që Komisionet Parlamentare të mos mblidhen fizikisht dhe jo në mbledhje qesharake.
Unë kam konsultuar të tre kryeatarët e grupeve parlamentare, është i papranueshëm, dhe synon ti fshihet syve të opinionit publike.
Së pari do të duhet të përqëndrohemi te kjo ngjarje e rëndë që ka ndodhur në Konferencën e Kryetarëve, në këtë prizëm unë nuk besoj se ky është një parlament që funksionon, dhe secili prej nesh të kryejë reforma që i shërbejnë interesit të qytetarëve. Në një parlament ku i mbyllet goja opozitës nuk ka vend për bashkëpunim, qoftë edhe institucionalisht.
Jemi të gatshëm që ti nënshtrohemi të gjithë rregullave që mbrojnë jetën dhe Kuvendin.
Nuk ka asnjë dallim, e njëjta ministri i jep Edi Ramës leje që të mbledhë qeverinë, dhe e njëjta ministri na thotë mos u mblidhni se kështu duam ne. Unë nuk fola për bojkot, sikundër nuk e di se kush e ka hedhur si tezë. Ai i zotit Shehu ishte një qëndrim personal”- u shpreh Gazment Bardhi.
Nga ana tjetër, Bardhi hedh poshtë kategorikisht që të ketë bashkëpunim në një parlament që funksionon në mënyrë të tillë.
