Komisiarati i Policisë Kurbin ka finalizuar me sukses dy operacione policore të koduara “Gjormi” dhe “Fushë Malbardhë” ku janë sekuestruar fidanë të dyshuar si cannabis sativa të kultivuar në kubikë dhe 320 bimë të dyshuar narkotike të mbjella në parcela. Nga të dyja operacionet janë prangosur dy persona, konkretisht si rezultat i operacioni të koduar “Gjormi” është arrestuar në flagrancë shtetasi me inicilaet A. P., 51 vjeç, banor në fshatin Gjormë, Kurbin.
Ndërkohë nga operacioni policor i koduar “Fushë Malbardhë” është arrestuar shtetasi me inicialet E.( I.). H. 51 vjeç, banor në fshatin Fushë Malbardhë.
Materialet procedurale iu referuan Prokurorisë pranë Gjykatës së Rrethit Gjyqësor Kurbin, për veprime të mëtejshme, për veprën penale “Kultivim i bimëve narkotike”.
Discussion about this post