Në një situatë të rënduar ekonomike, ku zhvlerësimi i qëllimshëm i euros po godet fort eksportet shqiptare, nënkryetarja e Partisë së Lirisë, Erisa Xhixho, ka ngritur alarmin për pasojat e rënda që po përjetojnë mijëra qytetarë dhe sipërmarrës. Ajo ka denoncuar politikat e qeverisë, duke e akuzuar për indiferencë dhe përfitim nga kriza, ndërsa bizneset po mbyllen dhe mijëra vende pune po shuhen çdo muaj.
Sipas të dhënave të INSTAT, eksportet kanë rënë me 15.4% në vitin 2024, me një ndikim të veçantë në industrinë fason, ku sektori i tekstileve dhe këpucëve ka regjistruar një rënie prej 20%. Ndërkohë, Xhixho thekson se qeveria është më shumë e fokusuar në betonizim dhe flukse parash të dyshimta, duke braktisur ekonominë reale dhe qytetarin e thjeshtë.
statusi i plotë:
Sipas të dhënave të INSTAT, eksportet shqiptare pësuan një rënie dramatike prej 15.4% në vitin 2024, duke shënuar kështu vitin e dytë radhazi me rezultate negative. Kategoritë më të goditura janë tekstilet dhe këpucët, të cilat kanë regjistruar një rënie prej 20%, duke sjellë pasoja të rënda në sektorin fason dhe për mijëra qytetarë të punësuar në këtë industri.
Statistika alarmante për vitin 2024:
•10 mijë vende pune të humbura
•50 biznese fason kanë mbyllur aktivitetin
•Indeksi i punësimit në industrinë e tekstilit ka rënë me 20.8%
•Pagat kanë rënë me 21%
•Eksportet e veshjeve dhe këpucëve kanë rënë me 16.5%
Kriza në sektorin fason është thelluar nga zhvlerësimi i qëllimshëm i euros, që ka ulur konkurrueshmërinë e eksporteve shqiptare në tregjet ndërkombëtare. Kërkesat për mbështetje nga sipërmarrësit dhe punëtorët janë injoruar, ndërsa qeveria ka vazhduar politikat që favorizojnë betonizimin dhe flukset e parasë së dyshimtë.
Ekspertët dhe përfaqësuesit e sektorit fason paralajmërojnë se nëse nuk merren masa urgjente, kriza do të thellohet, duke prekur edhe më shumë familje dhe duke rrënuar një nga shtyllat kryesore të ekonomisë shqiptare.
Discussion about this post