Monedha europiane Euro vijon të zhvlerësohet në tregun valutor shqiptar. Euro vijon trendin që po e ndjek prej muajsh, megjithëse herë pas here shfaq tendenca të një rritjeje të lehtë.
Ditën e sotme 1 euro këmbehet me 106.44 lekë nga 107.6 që ishte kursi një ditë më parë, duke u zhvlerësuar me 0.30 lekë. Pikën më të ulët euro e arriti në 9 qershor duke u këmbyer me 105.62 lekë.
Ndërkohë dollari vijon të këmbehet poshtë kufirit të 100 lekëve. Monedha amerikane gjithsesi u forcua në krahasim me fundjavën duke u këmbyer me 98.15 lekë, pra 0.35 lekë më shumë se një ditë më parë.
Gjatë sezonit turistik, maj – shtator, Euro ka një tendencë për tu zhvlerësuar për shkak se në treg shtohet sasia e monedhës europiane.
Por, vitin e fundit Euro vijon të ketë trend negativ që nga shtatori i vitit të kaluar, kur këmbehej me 120 lekë.
Sipas Bankës së Shqipërisë vendi ynë ka përmirësuar pozicionin e jashtëm tregtar, ndërsa flet për rritje të investimeve, remitancave dhe përmirësimin e deficit korrent.
Edhe pse banka europiane ka rritur normën e interesit sërish në 3.5% duke qenë kështu në një nga nivelet më të larta që nga viti 2011, kjo nuk ka sjellë forcim të saj në tregun e brendshëm.
Discussion about this post