Zinedine Zidane i është përgjigjur negativisht propozimit të Manchester United për të marrë drejtimin e stolit të ‘Djajve të Kuq’ pas shkarkimit të trajnerit Ole Gunnar Solskjaer.
Solskjaer iu hoq drejtimi i skuadrës pas humbjes 4-1 ndaj Watford mbrëmjen e së shtunës, ndërsa tashmë United po kërkon për zëvendësuesin e tij.
I pari që u kërkua ishte ish-trajneri francez i Real Madrid, i cili ishte që prej muajit maj pa skuadër. Megjithatë duket se ai nuk dëshiron të marrë drejtimin e Man Utd raporton BBC Sport.
Kjo për shkak se përveç United interes të lartë për të kanë shfaqur edhe Kombëtarja e Francës apo klubi i Paris Saint-Germain dhe duket se ai dëshiron të marrë drejtimin e njërës prej këtyre të dyjave, kur t’i jepet mundësia.
Tashmë klubit të Manchester United do i duhet të mendojë për një tjetër mundësi që t’i besojë drejtimin e stolit, duke ditur se skuadra vjen pas shumë rezultatesh negative.
Rikujtojmë se te Real Madrid Zinedine Zidane ka fituar tre trofe radhazi të Champions League që nga 2016-a, ndërsa më pas u largua në 2018, për t’u rikthyer në 2020 ku fitoi La Ligan dhe Superkupën e Spanjës./K.T/Gijotina.com
Discussion about this post