Një klase e 11-të e shkollës së mesme të Këlcyrës është mbyllur. Ky vendim ka ardhur pasi 7 nxënës të një klase me gjithsej 20 të tillë kanë rezultuar pozitivë me Covid-19.
Vendimin për mbylljen e kësaj klase e mori n kreu i Inspektoriatit Shëndetësor në Gjirokastër. Klasa do të qëndrojë e mbyllur për 14 ditë me rradhë në mënyrë që nxënësit e infektuar të karantinohen dhe të sigurohet që ky zinxhir infektimesh do të ndërpritet.
Autoritetet po punojnë për dezinfektimin e ambienteve të klasës.
Kjo është vetëm një klasë e mbyllur në të gjithë shkollën, ndërsa gjendja e infektimeve totale nuk dihet ende.
Ndërkohë sipas të dhënave nga MSH, janë 7,780 pacientë aktivë me COVID19 në të gjithë vendin, ndërsa aktualisht në spitalet COVID po marrin trajtim 164 pacientë, nga të cilët 13 janë në gjendje më të rënduar.
Discussion about this post