Një vatër zjarri është shfaqur ditën e sotme anës rrugës nacionale Milot-Burrel, pranë fshatit Skuraj.
Nga burime për Gijotina.com bëhet me dije se flakët kanë përfshirë pyjet dhe bimësinë në anë të rrugës, duke rrezikuar kështu dhe varrezat e fshatit.
Të njoftuar nga banorët, në terren mbërritën menjëherë punonjësit e emergjencave të Njësisë Administrative Milot bashkë me administratorin Dritan Preçi.
Lidhur me ngjarjen, fillimisht u ndërhy me mjete rrethanore dhe më pas mbërritën zjarrfikësit e Laçit, të cilët bënë të mundur vënien në kontroll të zjarrit.
Discussion about this post