Në një fabrikë të prodhimit të lëndëve plastike në Bradashesh të Elbasanit ka shpërthyer një zjarr i fuqishëm.
Zjarri ka marrë përmasa të mëdha, kjo edhe për shkak të materialeve që ka pasur në këtë fabrikë.
Forcat zjarrfikëse kanë mbërritur në vendin e ngjarjes dhe po punojnë për të bërë të mundur shuarjen e flakëve.
“Rreth orës 15:00, në ish-kombinatin metalurgjik, në një fabrikë plastike, ka rënë zjarr, dyshohet prej një shkëndije elektrike. Në vendngjarje ndodhen shërbimet e Policisë dhe të zjarrfikëses, të cilat po punojnë për shuarjen e flakëve, nga të cilat janë shkaktuar vetëm dëme materiale. Grupi hetimor po punon për përcaktimin e shkaqeve të rënies së zjarrit”, njoftoi policia.
Discussion about this post