Një sipërfaqe me pisha në fshatin Labinot-Mal të Elbasanit është përfshirë nga një zjarr masiv.Mësohet se deri në mesditë sipërfaqja e përfshirë nga flakët arrin rreth një hektar tokë.
Burimet tregojnë se janë 13 efektivë të shërbimit të zjarrëfikëses që po punojnë për shuarjen e flakëve që përfshinë sipërfaqen me pisha në Elbasan. 13 efektivë të shëbimit të zjarrëfikëses, së bashku me automjetet po hasin vështirësi në marrjen nën kontroll të flakëve për shkak të terrenit malor.
Mendohet se zjarrvënia është e qëllimshme, ndërsa mësohet se flakët kanë nisur që dje dhe janë favorizuar nga era për shpërndarjen e mëtejshme.
Zjarrfikësit po ndihmohen nga banorët e zonës në aksionin e shuarjes së zjarrit me mjete rrethanore pasi terreni i vështirë dhe mungesa e rrugëve e bëjnë të pamundur futjen e zjarrfikëses.
Discussion about this post