Një zjarr i fuqishëm ka rënë në fshatin Mjeshovë në Berat.
Zjarri mendohet të jetë shkaktuar nga barinjtë e zonës, që mund të kenë ndezur zjarr ose të kenë hedhur aksidentalisht ndonjë cigare të ndezur. Si pasojë e erës së fortë zjarri është përhapur me shpejtësi duke përfshirë pyllin me pisha.
Në zonë kanë shkuar forca të shumta të Repartit Zjarrfikës, të cilët po përpiqen ta vënë zjarrin nën kontroll dhe të shuajnë vatrat e flakëve me mjete rrethanore pasi terreni i vështirë e malor nuk lejon futjen e mjeteve zjarrfikëse në zonën e zjarrit.
Nuk është hera e parë që kjo zonë përfshihet nga zjarri, e cila në të gjitha rastet është vënë nga pakujdesia e vetë fshatarëve, duke shkaktuar dëme të mëdha. Si pasojë e zjarrit të rënë mbrëmjen e sotme në fshatin Mjeshovë, janë djegur deri më tani rreth 1.5 ha pyll me pisha.
