Vendi nuk po gjen qetësi, një tjetër zjarr raportohet në veri të vendit. Bëhet me dije se një vatër zjarr me përmasa të konsiderueshme është aktivizuar në fshatin Piraj të Lezhës. Sipas burimeve, flakët kanë përfshirë linjën hekurudhore duke shkrumbuar traversat prej druri në një gjatësi prej 500 metrash.
Në rrezik janë edhe disa banesa në këtë fshat pasi të favorizuara nga era, flakët janë përhapur në disa drejtime. Ndërsa banorët po evakuohen, pasi vatra ndodhet shumë afër banesave. Ndërkohë, në terren ndodhen zjarrfikësit të cilët, në ndihmuar nga banorët e zonës po punojnë për shuarjen e flakëve.
Por, bëhet me dije se era është shumë e fortë, çka po i përhap me shpejtësi flakët në të gjithë zonën, e cila është e mbuluar tërësisht nga tymi.
Discussion about this post