Një tjetër vatër zjarri është raportuar pasditen e kësj të premteje në fshatin Memaliaj, pranë këtij qyteti.
Nga të dhënat paraprake, nuk dihen shkaqet e zjarrit ndërsa mësohet se flakët rrezikojnë të drejtohen nga banesat.
Forcat zjarrfikëse kanë shkuar në vendngjarje për të ndërhyrë, me qëllim shuarjen e flakëve dhe sigurimin e një perimetri, që të mos rrezikohen banesat. Por, përhapja e flakëve po favorizohet edhe nga era e fortë në zonë.
Kujtojmë se vetëm dje u raportuan tre vatra zjarri në Libofshë, Vajkan të Fierit dhe Fush-Krujë.
Në të treja rastet era ka favorizuar flakët të cilat kanë shkrumbuar sipërfaqe të konsiderueshme toke. Situatë rreziku ka qenë për banorët e fshatit Vajkan, të cilët si pasojë e zjarrit masiv kanë humbur prodhimet e investuara përgjatë një viti në mbjelljen e ullinjve.
