Zjarret kanë pushtuar planetin tokë, teksa së fundmi qindra persona janë evakuuar në Spanjën jugore për shkak të flakëve gjatë ditës së sotme.
Ekipet zjarrfikëse po punojnë nga toka dhe ajri për shuarjen e flakëve në vargmalin Sierra Bermeja në provincën e Malagas.
Të paktën 500 persona u evakuuan pranë qytetit turistik të Esteponas, ndërsa trafiku rrugor është ndërprerë.
Vatrat e zjarrit po përhapjen brenda ditës. Rreth 250 zjarrfikës ndodhen në terren, ndërsa po ndihmohen nga 29 avionë.
Shërbimi rajonal i shuarjes së zjarrit tha se terreni i thyer e kishte bërë operacionin për fikjen e tij, mjaft të vështirë.
“Ka shpate të theksuara dhe ka një erë të fortë perëndimore që po e ndërlikon punën,” tha Infoca në një deklaratë.
