Zjarr mes Komanit dhe Fierzës, era e fortë rrezikon përhapjen e flakëve

Një vatër zjarri me përmasa të konsiderueshme është aktivizuar mesditës së kësaj të hëne mes Komanit dhe Fierzës në zonën që shkon drejt Tropojës.

Lidhur me situatën bëhet me dije se përhapja e flakëve është e favorizuar dhe është përhapur me shpejtësi për shkak të erërave të forta në zonë.

Nga ana tjetër në pamjet nga vendi i rënies së flakëve duken shtëllunga tymi që kanë nisur të përhapen në zonë ndërkohë që terreni krijon vështirësi për ndërhyrje nga toka për të bërë të mundur shuarjen e flakëve.