Abissnet Superiore do të zbresë në fushën e lojës me dy sfidat e saj, të javës së 18-të. Ndeshja e parë është ajo mes Vllaznisë dhe Kastriotit, e cila do të luhet në stadiumin e Kamzës, ora 13:45. Një sfidë e cila shikon të dy skuadrat të luftojnë për 3 pikët, krutanët për të bërë të mundur mbijetesën ndërsa shkodranët për të “shkelmuar” barazimet e katër javëve të fundit.
Vëmendja padiskutim do të jetë në “Air Albania” ku do të luhet supersfida e kësaj jave mes Tiranës dhe Kukësit. Dueli mes bardhebluve dhe verilindoirëve do të nis në orën 16:45.
Djemtë e Orges Shehit në këtë takim vijnë si kryesuesit e kampionatit me 6 pikë diferencë ndaj kundërshtarëve të tyre ditën e sotme, ku në këtë përbalje kryeqytetasit do kërkojnë ta thellojnë këtë diferencë, ndërkohë nga ana tjetër skuadra e Diego Longo tenton t’i mposht kryesuesit për herë të dytë këtë sezon.
Ndërkaq, kryeqytetasit vuajnë edhe historinë ndaj Kukësit duke qenë se nuk njohin fitore ndaj verilindorëve në katër takimet e fundit duke regjistruar dy humbje dhe dy barazime, (fitorja e fundit e Tiranës daton më datë 4 nëntor të vitit 2020), ndërsa edhe takimi i fazës së parë u mbyll me suksesin e skuadrës së drejtuar nga italiani Diego Longo me rezultatin 2-1.
Discussion about this post