Zjarr në Bishan të Vlorës, digjen sipërfaqe me grurë, flakët u afrohen ullishteve (VIDEO)

Një sipërfaqe toke e mbjellë me grurë është përfshirë nga flakët. Ngjarja ka ndodhur në fshatin Bishan të Vlorës.

Si pasojë e flakëve është rrezikuar të digjej edhe një sipërfaqe me ullinj, por ekipet zjarrfikëse kanë mundur të izolojnë zjarrin. Dyshimet e para janë se zjarri mund të jetë vendosur nga ndonjë bari.

Theksojmë se terrenet e thata fushore dhe pyjore rrezikojnë të përfshihen nga flakët në këto ditë të nxehta te verës.

Sakaq, zjarrfikëset nga toka dhe ajri duhet të jenë në dispozicion pasi këto janë raste të përsëritura pothuajse çdo vit në disa qarqe të vendit.