Një vatër zjarri ka shpërthyer sot në Fier. Bëhet me dije se flakët kanë përfshirë Qafën e Larit, ku janë djegur me dhjetëra hektarë ullishte. Era po përhap edhe më shumë flakët çka ka bërë që t’u afrohen dhe të vënë në rrezik banesat aty pranë.
Zjarrfikësit janë në vendngjarje, por tashmë flakët kanë marrë përmasa të mëdha dhe puna për shuarjen e tyre është më e vështirë. Ndërsa njoftohet se edhe banorët po ndihmojnë në shuarjen e zjarreve, pasi banesat e tyre rrezikohen nga flakët. Katër vatra të reja zjarri janë raportuar brenda ditës së sotme, ndërsa disa të tjerë vazhdojnë të jenë aktive prej disa ditësh si ajo në Mirditë dhe Durrës.
Discussion about this post