Flakët kanë përfshirë fshatin Shtiqën në Kukës pak minuta më parë. Mësohet se zjarri është në përmasa të mëdha dhe era po e favorizon më shumë përhapjen e tij. Sipas burimeve, zjarri është shumë pranë zonës së banimit dhe si pasojë 4 banesa janë në rrezik.
Familjarët janë evakuuar, ndërsa zjarrfikësja sapo ka mbërritur në vendngjarje. Banorët gjithashtu po iu vijnë në ndihmë me mjete rrethanore, pasi flakët po përhapen drejt shtëpive. Kujtojmë se pak më parë një tjetër vatër shpërtheu në Memaliaj, ndërsa Ministria e Mbrojtjes raportoi se vetëm në 24 orët e fundit regjistrohen mbi 20 vatra zjarri, ku 6 prej tyre aktive prej disa ditësh.
Discussion about this post