Një zjarr i rënë në një kanal ku janë djegur disa barishte në aksin rrugor Plug-Savër, Lushnjë është përhapur deri në afërsi të ambienteve të një biznesi.
Rreth orës 16:15, flakët janë afruar në biznesin buzë autostradës me disa njësi tregtimi ndër të cilat edhe një gomisteri.
Si pasojë e përhapjes së flakëve janë djegur disa panele dhe nje automjet tip furgon i vjetër jofunksional, në një karburant në afërsi të kanalit, i cili prej kohësh ka qënë i mbyllur dhe jashtë funskionit.
Zjarrfikësit e Lushnjes në ndihmë të të cilëve shkuan dhe zjarrfikësit e Divjakes vunë nën kontroll zjarrin por dëmet materiale janë të konsiderueshme.
Ndërhyrja e zjarrfikësve ka izoluar zjarrin duke mos e lejuar të djegë pjesën e brendshme të bizneseve.
Grupi hetimor po punon për sqarimin e plotë të rrethanave të rënies së zjarrit dhe zbulimin e kapjen e autorit/ve.
Discussion about this post