Zjarr në një banesë në bulevardin “Zogu I”, plagoset çifti i të moshuarve

Një banesë në bulevardin “Zogu I” është përfshirë nga flakët pasditen e sotme.

Burime policore bëjnë me dije se ngjarja ka ndodhur pak minuta më parë, ku banesa e personit të identifikuar me iniciale B. R., 55 vjeç ka marrë flakë, e për pasojë janë dëmtuar çifti i të moshuarve të identifikuar me iniciale B. R., dhe B. R., 78 vjeç, të cilët ndodhen në spital nën kujdesin e mjekëve, jashtë rrezikut për jetën.

Nuk dihen ende shkaqet e kësaj ngjarjeje, për të cilën vijon puna nga grupi hetimor për zbardhjen e rrethanave dhe përcaktimin e shkakut të rënies së zjarrit.